Sa e paprecedentë aq edhe qesharake duket situate në kampin “Alibeaj”, të cilët u regjistruan sot në zgjedhje me një vendim të KAS, që rrëzon atë të Ilirjan Celibashit që i përjashtoi më parë nga procesi i 14 majit.
Me Enkelejd Alibeajn që ka njoftuar se do të prezantojë kandidatët për kryetarë bashkie dhe për këshillat bashkiakë më 20 mars, duket se grupimi i tij që do të futet në zgjedhjet lokale me logon e PD, realisht është në krizë për emra.
Me thirrjet e dëshpëruara për bashkim drejtuar kandidatëve të “Primareve”, të cilët do të garojnë si alternativa e opozitës përballë emrave të Edi Ramës nën siglën “Bashkë fitojmë” të koalicionit Berisha-Meta, duket se grupi “Alibeaj” po endet si “pulë pa kokë” për tëë plotësuar 61 emrat që i duhen.
Në vazhdën e kësaj analize, edhe pse deklaroi sot në “Opinion” se PD-ja e tij dhe Enkelejd Alibeajt, të cilën u aka deleguar me autorizim Lulzim Basha i dorëhequr, do të hyjë në zgjedhjet vendore të 14 Majit, Gazment Bardhi nuk dinte të thoshte se cilat figura do t’u nxjerrin shqiptarëve para për t’u kërkuar votën.
Në mungesë të një përgjigje për këtë, Bardhi rispërsëriti para Fevziut se vendimi i KAS-it regjistron Partinë Demokratike në zgjedhje me nënkryetar Enkelejd Alibeajn në cilësinë e kryetarit të komanduar të partisë.
Po ashtu sipas Bardhit, PD e grupit të tyre duhet të marrë pjesë në zgjedhje sepse e kundërta sjell efekte afatgjata për këtë forcë politike.
Ndërkohë Enkelejd Alibeaj ka bërë të ditur se deri në datën 20 Mars do të përmbyllet procesi i miratimit të kandidaturave.
“Deri në datën 20 do të përmbyllet procesi i miratimit të kandidiaturave për këshilla bashkiakë dhe për kryetarë bashkie. Po ashtu, janë vendosur detyrat përkatëse të grupeve të punës të cilat do të merren me organizimin dhe rifresikimin e strukturave tona”, tha Alibeaj më 10 mars.
INTERVISTA:
Blendi Fevziu: Do hyni në zgjedhje zoti Bardhi?
Gazment Bardhi: Patjetër zoti Fevziu.
Blendi Fevziu: Do keni 61 kandidatë?
Gazment Bardhi: E gjithë beteja e bërë edhe gjatë këtyre ditëve ka qenë pjesëmarrja e PD në zgjedhje. Kam qenë në këtë studio, por edhe në dalje të tjera mediatike, kam tentuar gjetjen e një rruge për të dalë të bashkuar në zgjedhje dhe kam patur vetëm një kusht, që PD e Shqipërisë të merrte pjesë në zgjedhje.
Blendi Fevziu: Do merrni pjesë në zgjedhje?
Gazment Bardhi: Absolutisht po. Edhe për faktin sepse nuk mund të mendohet partia sot për sot. Mospjesëmarrja apo mosregjistrimi i PD në zgjedhje sjell efekte afatgjata për PD-në që do të thotë në zgjedhjet e ardhshme humbim komisionerët, humbim kohën televizive që ndahet mes partive, humbim financimin e fushatës, financimi i ligjshëm i fushatave zgjedhore dhe do të ishim një lloj siç ishim në 2020 në dorën e Edi Ramës që të fusnim një dispozitë tranzitore në ligj siç bëmë në 2020 për shkak të mospjesëmarrjes në zgjedhje në 2019.
Blendi Fevziu: Do nxirrni kandidatë në 61 bashkitë e Shqipërisë?
Gazment Bardhi: Kam një qëndrim timin i cili ka qenë edhe qëndrim i strukturave të partisë që pavarësisht konfliktit që kemi brenda PD do duhet të gjejmë gjuhën për të patur një kandidat të unifikuar të të gjithë opozitës. Nuk bëhet fjalë vetëm për të Partisë Demokratike, por të gjithë opozitës.
