Pasditen e sotme kryeministri Edi Rama ka mbledhur kryesinë e Partisë Socialiste.
Mbledhja nuk ka filluar akoma. Është takim në kuadër të zgjedhjeve vendore, Edi Rama ka porositur dje deputetët të cilëve u ka thënë se do jenë ata përgjegjës për rezultatin e 14 majit.
Mbledhja vjen duke qenë se jemi në prag të deklarimit të emrave pasi në 25 mars është deklaruar se do të bëhen publik dhe emrat e kandidatëve. PS ka zhvilluar dhe disa sondazhe për të zgjedhur kandidatët, po megjithatë është dhe pëlqyeshmëria e anëtarësisë së PS-së e cila do të ndikojë në përzgjedhje.
Rama ditën e djeshme ka porositur deputetët socialist që aplikacioni “Aktivisti” të vazhdojë të përdoret nga të gjithë në administratë, në mënyrë që të ketë angazhim maksimal për zgjedhjet që pritet të mbahen për më pak se 2 muaj.
Kryetari i Partisë Demokratike, Sali Berisha ka denoncuar se kryeministri Edi Rama së fundmi ka shpikur një aplikacion që mat “Like”-et dhe “Komentet” e punonjësve të adminsitratës duke i detyruar ata që të jenë aktiv në rrjetet sociale.
Sipas Berishës, Rama kërcënon se do të shkarkojë nga puna këdo punonjës të administratës që nuk pëlqen dhe nuk komenton postimet e qeverisë në rrjetet sociale.
Gjithashtu Berisha i ka bërë thirrje presidentit të Facebook-ut, Mark Zuckenbergut që të mos lejojë këtë abuzim të kryeministrit shqiptar.
Opozita vazhdimisht ka artikuluar se Edi Ramën vjedh votave dhe manipulon rezultatin, madje sipas Berishës, kreu i qeverisë ka arritur që të “blinte” dhe ta asgjësonte edhe opozitën fiktive të Lulzim Bashës.
