Zarfi i Zi në shtëpinë e “BBV” ishte për Luiz Ejllin, Armaldo Kllogjerin dhe Krist Aliajn. Të tre janë futur për disa sekonda në banjën e shtëpisë, gjë që është rreptësisht e ndaluar pasi nuk monitorohet nga kamerat, dhe për këtë Vëllai i Madh ka vendosur t’i dërgojë në televotim.
Pas kësaj, Luizi tregoi se ai e kishte planifikuar një gjë të tillë. Ai tha se duke qenë se Kutia e Pandorës i shkoi dëm, mendoi të vendoste vetë drejtësinë në një mënyrë tjetër.
Luizi ka zbuluar se ku e ka marrë këtë ide. Ai i bëri thirrje publikut që të hapnin “Big Brother”-in kanadez dhe aty do e gjenin këtë plan.
“I bëj thirrje gjithë publikut të hapë Big Brother-in kanadez dhe ta shohin të njëjtën gjë. E ka bërë me 3 veta ai burri i botës dhe ka çuar 3 vetë në nominim, bashkë me veten. 4 vetë në nominim”, tha Luizi.
Menjëherë Antoneta Koçi e pyet se si i mban mend gjithë këto dhe këngëtari i përgjigjet: “Po pse për ça kam ardhur unë këtu?”.
