Sekretari i Përgjithshëm i Partisë së Lirisë, Tedi Blushi, është shprehur se kryeministri Edi Rama është promovuesi më i madh i krimit në politikë dhe në institucionet e larta shtetërore.
“Edi Rama, promovuesi më i madh i krimit në politikë dhe institucionet më të larta shtetërore, sa kohë do të jetë në krye të Qeverisë nuk mund të ketë asnjë shpresë se do të luftojë krimin”, shkruan në Fb, Blushi.
Duke iu referuar shkrimit të “Financial Times”, Blushi shprehet se Rama mbron bandat, pasi sipas tij, me to erdhi në pushtet.
“Edi Rama është mbrojtësi i bandave, sepse me to erdhi në pushtet, me to bashkëpunon, me to vjedh zgjedhjet dhe ndan fitimet! Edi Rama ka qenë dhe mbetet një fatkeqësi për shtetin shqiptar! Vetëm largimi i tij sjell rend, siguri, drejtësi, mirëqenie dhe zhvillim të qëndrueshëm ekonomik! 14 Maji është dita më e afërt për të ndëshkuar Edi Ramën dhe bandat e tij që drejtojnë sot bashkitë e vendit!”, shkruan ai.
