Një 35 vjeçar është gjetur i pajetë mbrëmjen e sotme në Këlcyrë, ndërsa detaje të reja kanë dalë në dritë lidhur me ngjarjen.
Burimet bëjnë me dije se, Erald Pashollari, kishte pak ditë që ishte divorcuar nga bashkëshortja e tij, ndërsa nuk dihet nëse kjo ka qënë arsyeja pse ai ka vendosur ti japë fund jetës.
Policia ka njoftuar më herët se në trupin e viktimës nuk janë konstatuar shenja dhune, ndërsa mësohet se ky i fundit njihej si përdorues i lëndëve narkotike.
Njoftimi i policisë:
Këlcyrë/ Informacion paraprak
Rreth orës 20:15, në fshatin Luar, Këlcyrë, është gjetur në afërsi të banesës, nga familjarët e tij, dyshohet i vetëvarur shtetasi E. P., 35 vjeç.
Nga kqyrja paraprake e trupit nuk janë konstatuar shenja dhune.
Në vendngjarje ka shkuar grupi hetimor, po punohet për sqarimin e rrethanave të ngjarjes.
