Ministri i Punëve të Jashtme i Greqisë, Nikos Dendias, të martën do të kryejë një vizitë zyrtare në Kosovë.
Mësohet se Dendias do të pritet nga homologia e tij kosovare, Donika Gërvalla.
Vizitën e Dendias e ka bërë të ditur vetë Ministria e Jashtme e Greqisë, ku po ashtu bëhet e ditur se një nga temat kryesore do të jetë dialogu mes Kosovës dhe Serbisë.
“Deklaratat e përbashkëta për shtypin janë planifikuar të bëhen pas përfundimit të bisedimeve të zgjeruara, rreth orës 11:30 me orën greke. Më pas, kryeministri i Kosovës, Albin Kurti, do të shtrojë një darkë për nder të ministrit të Punëve të Jashtme”, thuhet në njoftim.
Temat e tjera që pritet të diskutohen do të jenë padyshim bashkëpunimi mes Athinës dhe Prishtinës,, së sektorë të ndryshëm si, ekonomia, kultura dhe shëndetësia, po ashtu edhe zhvillimet rajonale.
