Një tjetër aksident është shënuar në kryeqytet mbrëmjen e sotme. Këtë herë, raportohet se ka vetëm dëme materiale.
“Në rrugën ‘Llazar Shapatini’, shtetasi A.B., duke drejtuar automjetin, dyshohet se ka humbur kontrollin mbi drejtimin e tij dhe automjeti ka dalë nga rruga. Si pasojë ka vetëm dëme materiale. Grupi hetimor ndodhet në vendngjarje dhe po punon për sqarimin e rrethanave të ngjarjes”, njoftoi policia.
Pasditen e djeshme, 3 të rinj humbën jetën në kryeqytet pasi automjeti tip “Audi” me të cilin lëviznin ra në nënkalimin pranë rreth-rrotullimit të TEG-ut. Nga ngjarja u plagosën dhe tre persona të tjerë që ishin në bordin e një automjeti që u godit nga “Audi” pasi ra nga mbikalimi në aksin rrugor poshtë tij.
Gjatë paradites, dy aksidente me pasojë vdekje ndodhën në Kavajë dhe Durrës.
Ndërkohë, këtë pasdite, një tjetër aksident me vdekje u shënua në aksin Korçë-Pogradec.
Po sot, një 60-vjeçar në Fier që lëvizte me biçikletë u përplas nga një automjet, duke mbetur i plagosur.
