Sekretari i Përgjithshëm i Partisë Socialiste, Damian Gjiknuri mesditën e sotme ka pritur në një takim në selinë rozë ambasadoren e SHBA-së, Yuri Kimin.
Pasi doli audio-përgjimi i “Bildit”, Gjiknuri vazhdimisht është akuzuar nga opozita për blerje votash ku vlen të kujtojmë frazën e famshme në prag të zgjedhjeve parlamentare të 2021 “bëjë tërmet…tërmet me votat”.
Sot pikërisht është Gjiknuri ai i cili i premton guvernatores amerikane se Partia Socialiste do të zhvillojë zgjedhje të lira dhe të ndershme më 14 maj.
“Pata kënaqësinë të mikprisja në selinë e Partisë Socialiste ambasadoren e Shteteve të Bashkuara të Amerikës në Tiranë zonjën Yuri Kim. Zgjedhjet e ardhshme vendore të 14 Majit, situata aktuale politike në vend dhe rekomandimet e ODIHR-it pas procesit të fundit elektoral ishin në qendër të diskutimit. E garantova ambasadoren për vendosmërinë e Partisë Socialiste për të kontribuar aktivisht për një proces zgjedhor në përputhje me standardet më të mira ndërkombëtare. Si gjithnjë, Shtetet e Bashkuara të Amerikës mbeten në krah të Shqipërisë në përpjekjen për të garantuar zgjedhje të lira e të ndershme”, shkruan Gjiknuri.
