Mbrëmjen e sotme dy skuadra të tjera kanë prerë biletën për në fazën çerekfinale të Ligës së Kampionëve, duke iu bashkuar Benfica-s dhe Chelsea-t.
Bayern Munich pas fitores 1-0 në Paris, ka mposhtur sërish PSG-në këtë herë pastër 2-0 në “Allianz Arena” duke i dhënë një leksion futbolli skuadrës të financuar nga sheikët arabë.
Pjesa e parë e sfidës së sotme do ishte e ekuilibruar, me shumë pak raste shënimi. Në fundin e fraksionit De Ligt do bënte heroin, duke shpëtuar bavarezët nga pësimi i golit dhe duke larguar një top në vijë fatale.
Choupo Moting do ishte protagonist absolut në fillimin e pjesës së dytë. Sulmuesi do realizonte gol por do anulohej për Offside, ndërsa 8 minuta më vonë ekipi i Nagelsmann mund të festonte lirisht, pasi i njëjti autor do “tundtte rrjetën” pas një gafe të rivalit. Goli i dytë erdhi nga Gnabry, në fund.
Pavarësisht se PSG ka në skuadër lojtarë si Mbappe dhe Messi, duhet të kthehet përpara kohe në shtëpi. Bayern Munchen vazhdon tutje dhe është një nga skuadrat pretendente.
Në sfidën tjetër Tottenham-Milan, kuqezinjtë kualifikohen për në çerekfinalen e kompeticionit për herë të parë pas 11-vitesh.
90 minutat e Londrës nuk rezultuan dhe aq të frikshme sa kërcënuan t’i bënin lojtarët e Tottenham që goditën kuadratin vetëm një herë në të gjithë ndeshjen, duke iu dorëzuar kamionëve të Italisë, një skuadër e superorganizuar në fushën e lojës, duke mos lënë asnjë hapësirë ndërsa dalja e Romeros në pjesën e dytë e bëri edhe më të thjeshtë për skuadrën nga Milano.
180 minuta që në total i japin të drejtë ekipit kuqezi që rikthehet pas 11 vitesh kur mundën Arsenalin në sezonin 2011-2012. Një përjetësi për skuadrën italiane e mësuar me kompeticionin që e ka fituar plot 7 herë në historinë e saj.
Me barazimin pa gola, Antonio Conte largohet me kokën ulur nga kjo përballje e dyfishtë duke i lënë rrugë të lirë Stefanoi Piolit dhe bandës së tij që duhet të presin 15 marsin për të mësuar emrin e kundërshtarit të radhës.
