Një plagosje me armë zjarri ka ndodhur pasditen e sotme në Kurbin.
Blutë kanë dalë me njoftim zyrtar lidhur me ngjarjen, ku bëjnë me dije shtetasi B. S. 56 vjeç, pas një konflikti të çastit, ka plagosur me çifte, shtetasin B. P. 49 vjeç.
Ky i fundit është transportuar në spital për ndihmë mjekësore dhe ndodhet jashtë rrezikut për jetën, ndërsa mësohet se përplasja ka ardhur si pasojë e një konflikti për pronësinë.
Burime nga policia kanë njoftuar gjithashtu se 56 vjeçari armën (çiften) e kishte me leje.
‘Në Lagunën e Patokut, Kurbin, rreth orës 17:00, shtetasi B. S. 56 vjeç, banues në Milot, dyshohet që pas një konflikti të çastit për motive të dobëta, ka plagosur me çifte, shtetasin B. P. 49 vjeç, banues në Krujë, i cili është transportuar në spital për ndihmë mjekësore dhe ndodhet jashtë rrezikut për jetën”, thuhet në njoftimin e policisë.
Grupi hetimor në vendngjarje vazhdon veprimet hetimore për zbardhjen e plotë të rrethanave të ngjarjes.
Ndërkaq mësohet se janë ngritur pika kontrolli e po bëhet krehja e zonës me qëllim lokalizimin dhe kapjen e autorit.
