Trajneri i Partizanit, Giovani Colella ka dalë para mediave pas fitores 2-0 në derbi me Tiranën.
“Unë jam italian me pasaportë, por nuk më pëlqen të bëj italianin në futboll. Por di ta bëj edhe këtë gjë, nuk më pëlqen, por ka momente kur mentaliteti i lojtarëve bën diferencën në fushë. Nuk është një javë e vështirë. Të gjitha javët janë të vështira, si para derbit edhe pas derbit.
Nuk do ua them kurrë si e motivova skuadrën pas humbjes në Shkodër. Ndryshuam diçka në skemë, sepse nuk doja që të humbisja mbrojtësit. Skuadra ka bërë më shumë presion sot se ndaj Vllaznisë.
A është Partizani për titull? Do të mendojmë ndeshje pas ndeshjeje, duhet të fokusohemi tek kjo gjë. Jam i kënaqur për Carën, për golin që bëri. Nuk duhet të flasim për lojtarë që nuk luajnë. Kjo ishte prova që tregoi se skuadra është e bashkuar, si ata që luajnë edhe ata që qëndrojnë në stol. Nëse një lojtar që nuk luan titullar dhe futet në fushë dhe jep si Cara apo Hoti kjo është një shenjë që jemi një skuadër”, ka thënë Colella.
