Media italiane “Sky” transmetoi këtë të Hënë dëshminë e një trafikanti emigrantësh që transporton refugjatë në Britani përmes kanalit të La Manshit.
Në deklaratën për transmetuesin italian, ai zbulon se shqiptarët janë ndër kombësitë të gatshëm për të paguar më shumë se të tjerë, për të arritur në Britani.
“Nëse ka shumë emigrantë, çmimet rriten, nëse ka pak, çmimet ulen. Paguhet mes 500 dhe 2500 euro dhe kjo ndryshon sipas kombësisë. Kurdët paguajnë ndryshe nga shqiptarët. Shqiptarët paguajnë më shumë, pakistanezët paguajnë më shumë”, shprehet ai.
Emigrimi masiv i faktuar nga raporte të enteve vendase dhe të huaja është kthyer në një shqetësim për vendim.
Në një artikull të disa ditëve më parë, duke cituar INSTAT dhe disa organizata ndërkombëtare, VOA raportoi për vitet 2011-2019, janë 177 mijë qytetarëve të larguar dhe gati gjysma e të cilëve janë të janë të rinj të moshës 15-29 vjeç.
Të dhënat e reja të publikuara nga Eurostat treguan se në gjysmën e dytë të vitit 2022, ritmet e ikjes nga Shqipëri janë përshpejtuar.
Bizneset kanë shprehur në mënyrë periodike shqetësimin e gjetjes së fuqisë punëtore. Ndërkohë Banka Botërore në një raport të fundit evidentoi se popullsia e Shqipërisë në moshë pune vazhdon të tkurret për shkak të emigrimit.
Në Britani, emigrimi masiv i shqiptarëve në mënyrë të jashtëligjshme u kthye në kryefjalë dhe duke marrë vëmendje kardinale nga mediat, si dhe u kthye në një çështje të nxehtë politike.
Opozita në Shqipëri ka bërë përgjegjëse qeverinë dhe kryeministrit Edi Rama për emigrimin masiv të shqiptarëve, me gomonet që kanë qenë simbol i disa protestave.
Kryeministri Edi Rama, nga ana tjetër, është justifikuar duke u shprehur se ky është një fenomen që nuk po prek vetëm Shqipërinë, por gjithë rajonin. Një qasje kjo që kundërshtohet nga shifrat kokëforta të organizatave ndërkombëtare, që tregojnë se janë shqiptarët ata që udhëheqin listat e emigrimit.
