Partizani kishte dy tifozë specialë që e ndiqnin nga ekrani në duelin e sotëm ndaj Tiranës, ku të kuqtë triumfuan me rezultatin 2-0. Bëhet fjalë për ish-kapitenin Eneo Bitri dhe ish-sulmuesin Xhuliano Skuka, që në merkaton e janarit, u larguan nga “Demat” për të nisur aventurat Europiane.
Ndërkohë nuk ka munguar mbështetja e tyre dhe në rrjetet sociale. Të dy futbollistët si Bitri ashtu dhe Skuka, pas triumfit në derbi, kanë postuar nga një “Story” thumbues në rrjetet sociale:
Bitri ka nxjerrë një foto të tifozëve të Partizanit me banderolën: “Ju jeni story ne jemi historia”, duke vendosur mbishkrimin: Kryeqyteti është gjithmonë i kuq. I njëjti film e njëjta histori.
Ndërkohë Skuka ka postuar një foto të Tedi Carës nga festa e golit, duke i vendosur mbishkrimin: “Hajt natën”.
