Enkelejd Alibeaj, pasi mbaroi mbledhjen me përkrahësit e tij në një hotel të Tiranës, deklaroi sot se ishte dhe ndihej kryetar i Partisë Demokratike, duke iu referuar regjistrimit të grupimit të tij në KQZ për zgjedhjet e 14 majit, me logon dhe vulën e PD-së.
Avokati Genc Gjokutaj, tha në emisionin “Të Paekspozuarit”, se Alibeaj nuk dihet kryetar, por princeshë e maxhorancës së majtë. Avokati Gjokutaj sqaroi edhe se çfarë ndodhi në seancën e Gjykatës së Apelit, më 3 mars.
“Alibeaj sot nuk dihet kryetar i PD-së, por princeshë e maxhorancës. Ne nuk e kemi dispozitivin e gjykatës, por kemi vetëm vendimin e arsyetuar, por ai vendim është shumë i vështirë për t’u arsyetuar.
Çështja në Gjykatën e Apelit ka vajtur pas ankimimit të z.Alibeaj. Një gjyqtare e shkallës së parë e legjitimoi që z.Alibeaj mund të bënte ankim, në të njëjtim vlerësim që kjo gjykatë nuk i ka vlerësuar që këta nuk janë palë. Këta në Gjykatën e apelit e kanë pranuar që nuk ishin palë, dhe as kanë bërë kërkesë sipas ligjit për t’u njohur si palë.
Ajo çështje duhej mbyllur, nuk duhej gjykuar. Gjykata, pa njoftuar palët, ka bashkuar çështjet, edhe ankimin e Partisë Demokratike të vërtetë dhe ankimin e Alibeajt.
Kërkesa e grupit të Alibeajt në Gjykatën e Apeklit ka qenë me dy objekte: i pari të shfuqizohet vendimi dhe të pushohet gjykimi i shkallës së parë, me gjithë Rithemelimin, ose në alterntativë të rikthehet për gjykim, që ne na është mohuar e drejta për të qenë palë në shkallë të parë. Gjykata e Apelit nuk e ka pranuar, se nuk mund t’i thuhet këmbës dorë që ta pushojë çështjen sikur nuk ka ndodhur gjë. Qëllimi ka qenë pengimi i PD-së për t’u regjistruar në KQZ se ky ka qenë qëllimi. Këtë unë e kam thënë që në korrik 2022, sepse zvarritja e gjykatës ka qenë që PD-ja të mos regjistrohet, sepse nuk i jepet kohë”-tha Gjokutaj.
