Akademiku dhe profesori Artan Fuga ka komentuar situatën ku ndodhet Partia Demokratike, pas vendimit të Gjykatës së Apelit për ti dhënë vulën Enkelejd Alibeajt.
Me anë të një postimi në Facebook, Fuga argumenton se sot grupi i Bashës, ata që fituan gjyqin mund të përjashtohen fare lehtë nga PD nga grupi i Berishës.
Sipas Fugës “nëse përkrahësit e Bashës përjashtohen sot nga ana e Berishës, vendimi i pardjeshëm i gjykatës i takon së kaluarës”.
Komenti i Artan Fugës
Problemi për grupin e Bashës kundër Berishës në PD pas vendimit të gjykatës u përkeqësua edhe më keq.
Në kushtet aktuale, ata që fituan gjyqin, pra grupi i Bashës, sot, nuk e di nesër, mund të përjashtohen fare lehtë nga Partia Demokratike, po sipas po atyre rregullave që njohu të ligjshme gjykata! Pra, sipas rregullave të vetë PD para Kuvendit të reformimit.
Atëhere grupi i Berishës ndofta nuk i përjashtonte dot, por sot i përjashton. Kurse Basha dhe grupi i tij nuk e përjashtojnë dot Berishën dhe përkrahësit e tij sepse këta përbëjnë sigurisht shumicën!
Dhe nëse përkrahësit e Bashës përjashtohen sot nga ana e Berishës, vendimi i pardjeshëm i gjykatës i takon së kaluarës!
