PSG luante sot një ndeshje ndaj Nantës në kampionat ku çdo rezultat ishte i justifikuar, duke menduar të mërkurën në Ligën e Kampioneve ku e pret një duel i zjarrtë me Bayern Munich.
Por falë yllit Kilian Mbape, tashmë rekordmen absolut i klubit, ata shkojnë drejt kësaj sfide me një fitore.
Në sfidën ndaj Nantës, parisienët gjetën dy herë shpejt golin me Mesin dhe me autogolin e Haxham. Po në mënyrë të papritur, miqtë barazuan para fundit të pjesës së parë me Bias dhe Ganago.
Megjithatë, në fraksionin e dytë të lojës ishte Mbape ai që udhëhoqi skuadrën duke dhënë fillimisht asistin për avantazhin e Pereira e më pas në shtesë duke vulosur shifrat 4-2 me golin e tij.
Ky gol e çon atë në majën e renditjes së të gjitha kohëve sa u përket golashënuesve të klubit, pasi tanimë është në kuotën e 200 golave, duke kaluar Edinson Kavanin me të cilin ndante vendin e parë.
