Një i ri ka mbetur i plagosur me kaçavidë në vazhdën e një konflikti fizik me një tjetër person, njoftoi këtë të Shtunë policia e Elbasanit.
Sipas hetimeve paraprake, ngjarja ka ndodhur për motive të dobëta, ndërsa autori është shpallur në kërkim.
“Pas marrjes së njoftimit, se në spitalin e Elbasanit, kishte shkuar për të marrë mjekim shtetasi A. M., 25 vjeç, banues në Berat, për të cilin dyshohej se ishte i dëmtuar me mjet shpues, shërbimet e Komisariatit të Policisë Elbasan kanë organizuar punën me qëllim zbardhjen e këtij rasti. Si rezultat i veprimeve hetimore, shërbimet e Policisë kanë identifikuar dhe kanë shpallur në kërkim, për veprën penale ‘Plagosja e lehtë me dashje’, autorin e dyshuar të këtij rasti, shtetasin K. S., 22 vjeç, banues në Elbasan, i cili dyshohet se pas një konflikti të çastit, për motive të dobëta, ka goditur me mjet shpues (kaçavidë), 25-vjeçarin”, njoftoi policia.
“Vijon puna për kapjen e shtetasit K. S., ndërsa shtetasi A. M., pasi mori asistencën mjekësore, u largua në banesë, në gjendje të mirë shëndetësore”, shtuan të njëjtat burime.
