Një aksident ka ndodhur mbrëmjen e sotme në Gjoricë, të Bulqizës.
Një mjet tip “Audi” është përplasur me një mjet tip agregat në vendin e quajtur ura e Drinit, pjesë e Rrugës së Arbrit.
Dyshohet se dy drejtuesit e mjeteve kanë mbetur të lënduar dhe janë transportuar në spital për të marrë ndihmën e parë mjekësore.
Policia ndodhet në vendngjarje dhe po heton për të zbuluar shkaqet e aksidentit.
Njoftimi i policisë:
Në vendin e quajtur “Ura e Drinit” në Gjoricë, automjeti tip “Audi”, me drejtues shtetasin D. M., është përplasur me automjetin bujqësor tip ‘Zetor’, me drejtues shtetasin F.D.
Si pasojë e përplasjes janë lënduar lehtë dy drejtuesit e automjeteve. Pas ndihmës së parë mjekësore dy drejtuesit kanë dalë nga spitali.
Grupi hetimor po punon për zbardhjen e rrethanave të aksidentit.
