Prindërit e 23-vjeçares kërkojnë që t’i ngarkohen përgjegjësitë dhe të ndëshkohen përgjegjësit, kushdo qofshin ata, për të shfajësuar kujtimin e vajzës së tyre, thekson avokati i familjes.
Vagoni B3, sedilja 67. Ky ishte vendi ku ishte ulur fatkeqja 23-vjeçare shqiptare Evgjenia Micka, e cila është një ndër viktimat e aksidentit tragjik ku u përplasën dy trena në Tempi të Greqisë.
Tupi i vajzës fatkeqe u identifikua me metodën e analizës së ADN-së, ndërkohë që miqtë dhe të afërmit e kërkonin përmes rrjeteve sociale. Avokati i familjes së saj ka postuar një foto të realizuar nga brenda vagonit të trenit Intercity 62.
Fotoja që Sourlas ka postuar në profilin e tij në Facebook tregon në mënyrën më të ashpër ashpërsinë e përplasjes mes dy trenave teksa gjithçka është shkatërruar.
Sourlas duke folur për protothema.gr thekson se ajo që kërkojnë prindërit e 23-vjeçares Evgjenia është që të caktohen përgjegjësitë dhe të ndëshkohen përgjegjësit, kushdo qofshin ata.
Varrimi i vajzës shqiptare do të bëhet në orën 11:00 të mëngjesit të së shtunës në Giannica.
Më herët, Stelios Sourlas duke folur për gazetarët deklaroi se askush nga kompania nuk ka kontaktuar me familjen për të kërkuar falje. “Ka përgjegjësi dhe nuk janë vetëm për komandantin e stacionit por janë të zgjeruara. Ka përgjegjësi penale në kompani dhe drejtues politikë, të cilët ndër vite nuk janë kujdesur që të mbikëqyrin masat e sigurisë që duhet të ishin, nëse do të ndiqen e edhe nëse do të ekzistonin”, tha ai.
Më pas ai tha se prej dy ditësh 23-vjeçarja Evgjenia ishte e zhdukur pasi nuk ishte as në listën e të plagosurve dhe as në listën e të vdekurve dhe familja po jetonte një thriller.
“Kjo ua përkeqësoi gjendjen psikologjike, ata ishin në telefon duke pritur lajmin e mirë se vajza e tyre është gjallë. Fatkeqësisht kjo telefonatë e këndshme nuk erdhi kurrë, përkundrazi erdhi ajo që u theu zemrat”, nënvizoi avokati Sourlas.
23-vjeçarja ishte në tren me të fejuarin e saj, ii cili ka pësuar djegie nga temperaturat që janë zhvilluar pas zjarri që kishte rënë pas përplasjes së trenave.
Sipas avokatit të familjes Micka, i fejuari i Evgjenisë fillimisht e zhvendosi atë në një pjesë tjetër të karrocës së bashku me një fëmijë tjetër. Sipas të njëjtit përshkrim, vajza kishte gjak në kokë me të fejuarin e saj duke pretenduar se Evgjenia fillimisht kishte puls. Ajo që kujton edhe i fejuari i 23-vjeçares është se kur e kanë marrë ekipet e shpëtimit ka arritur t’u thotë “merrni edhe të dashurën time”.
