Kryetari i Partisë Demokratike, Sali Berisha falenderoi mbështetësit që iu bashkuan sot PD në protestë. Berisha i quajti misionarë protestuesit, ndërsa edhe pse gazetarët këmbëngulën për një koment nga kryedemokrati në lidhje me gjyqin për vulën, ai nuk pranoi të fliste.
Teksa përfundoi protesta e opozitës para Kryeministrisë, në një prononcim për mediat para selisë blu, Sali Berisha u pyet nga gazetarët nëse do lirojë selinë blu nëse Gjykata ai jep “vulën” Enkelejd Alibeaj.
“Janë misionarë të jashtëzakonshëm. Nuk bëj asnjë koment për gjykatën. Për ne, armiku është Rama. Mos i ngatërroni gjërat. Ky është revolucion me votë. Asnjë koment nuk kam përderisa gjykata nuk ka vendosur. Në protestë ishim për Edi Ramën, për ne armik numër një është Edi Rama. Ju përgjigjem unë për revolucionin. Datën e protestës do e vendosim shumë shpejt. Gjyqin nuk dua ta komentoj“,-tha Berisha teksa hyri në zyrën e tij në PD.