Dan Hutra, autor i vrasjes së 3 grave dhe i plagosjes së 3 të tjerave brenda 1 ore në Tiranë, mësohet se kishte plan të vriste edhe një të katërt.
40-vjeçari u prangos në kodrat e Sharrës ku u është drejtuar policëve me fjalët: “Më lini të vras dhe një e do ta mbyll”.
Nisur nga këto fjalë, duket se Hutra e kishte planifikuar skenarin për masakrën që në ambientet e burgut për ta vënë në zbatim sapo të dilte nga qelia.
Mësohet se 40-vjeçari bënte fajtor për vdekjen e të atit një burrë që jetonte në Vaqarr, të cilin shkoi ta vriste pas kasaphanës në Paskuqan e Kamëz, por deri në prangosje nuk kishte arritur ta gjente.
Sipas burimeve nga policia, Hutra ishte i mirëarmatosur me municione, ndërsa ishte çështje kohe të qëllonte nëse nuk do të ishte vënë në pranga.
