Seanca e sotme plenare në Kuvend ka nisur me një minutë heshtje në nderim të viktimave të masakrave të djeshme në Tiranë ku mbetën të vrara 3 gra dhe u plagosën 3 të tjera.
“Dje në Kamzë ndodhi një ngjarje e rëndë, ku 3 gra u vranë dhe u plagosen tre të tjera. Ngjarja e djeshme duhet të na bëjë që të reflektojmë dhe të lëvizim. Agresori u kap dhe meriton dënimin maksimal sipas ligjit për jetët e ndërprera tragjikisht. Ju ftojmë të mbajmë një minutë heshtje”, tha Nikolla.
