Një 45-vjeçar banues në Ballsh, është shpallur në kërkim pasi policia i ka gjetur në magazinë armë zjarri, fishekë dhe granata dora.
Blutë bëjnë me dije se aktualisht 45-vjeçari ndodhet jashtë shtetit.
-Shërbimet e Komisariatit të Policisë Mallakastër, bazuar në inteligjencën informative, kanë ushtruar kontroll në magazinën e shtetasit A. Ç., ku kanë gjetur të groposura 1 armë zjarri kallashnikov, 50 fishekë luftarak dhe 6 granata dore, të cilat u sekuestruan në cilësinë e provës materiale. Për këtë rast u referuan materialet në Prokurori, si dhe u shpall në kërkim pronari i kësaj magazine, shtetasi A. Ç., 45 vjeç, banues në Ballsh, i cili aktualisht ndodhet jashtë shtetit. Vijon puna, në bashkëpunim me homologët jashtë vendit, me qëllim lokalizimin dhe kapjen e 45-vjeçarit”,- njofton policia.
Materialet procedurale i kaluan Prokurorisë, për veprime të mëtejshme.
