Ka shkuar në 40 numri i viktimave nga përplasja e dy trenave në Greqi ndërsa raportohet për mbi 130 të plagosur. Mes të plagosurve u raportuan edhe fëmijë të moshave 6-7 vjeç. 66 persona po marrin mjekim në spital, ndërsa 6 prej tyre janë në gjendje të rëndë.
Në videon e mëposhtme shihet momenti kur treni i pasagjerëve shpërthen në flakë.
https://www.youtube.com/watch?v=nsAIrpa5gVE&t=2s
Aksidenti hekurudhor ka ndodhur në hyrje të luginës së Tempes, ku treni i pasagjerëve që udhëtonte midis Athinës dhe Selanikut me 350 persona në bord u përplas me një tren mallrash pranë qytetit të Larisës.
Të mbijetuarit kanë treguar se vagonët u përfshinë me shpejtësi nga flakët, njerëzit digjeshin të gjallë, ndërsa ishte shumë e vështirë të nxirrje personat nga mjeti i shkatërruar.
