Një aksident me pasojë vdekjen ka ndodhur mëngjesin e sotëm në Shkozet. Mësohet se një burrë ka tentuar të kalojë në anën tjetër rrugës duke mos përdorur mbikalimin por rrugën.
Si pasojë e aksidentit, 60-vjeçari ka humbur jetën.
“Rreth orës 09:00, në lagjen nr.14, te mbikalimi i këmbësoreve, një automjet me drejtuese shtetasen A. B., 44 vjeçe, ka përplasur shtetasin Y. H., rreth 60 vjeç (këmbësor).”, njofton policia.
Grupi hetimor ndodhet në vendngjarje dhe po punon për sqarimin e rrethanave të këtij aksidenti. Drejtuesja e mjetit është shoqëruar në komisariat për tu marrë në pyetje.
