Një krim i rëndë ka ndodhur ditën e sotme në Paskuqan të Tiranës, ku 40 vjeçari Dan Hutra ka hyrë në shtëpinë e ish-bashkëjetueses së tij, Elena Hysa dhe ka qëlluar me breshëri kallashnikovi ndaj familjarëve të saj.
Për pasojë kanë mbetur të vdekura Mevlute Hysa 30 vjeçe, (motra e ish-bashkëjetueses së tij) dhe Hasime Dafku 30 vjeçe, (e fejuara e vëllait të ish-bashkëjetueses).
Ndërsa të plagosura kanë mbetur, Elena Hysa, ish bashkëjetuesja dhe e ëma e saj, Kujtime Hysa, 60 vjeç të cilat po marrin ndihmën mjekësore në spitalin e Traumës.
Mësohet se Dan Hutra ka hyrë në banesën ku ndodheshin familjarët e ish bashkëjetueses së tij, me të cilën kishte edhe një vajzë 4 muajshe, dhe ka hapur zjarr ndaj gjithë të pranishmëve. Më pas është larguar me automjetin e tij tip ‘Benz c-class’.
Në një deklaratë të dhënë për mediat, zëdhënësi i policisë së shtetit, Genc Mullai bëri me dije se autori, Dan Hutra kishte vetëm dy javë që ishte liruar nga burgu ku prej vitit 2021 ishte dënuar për dhunë në familje.
Në vendin e ngjarjes, një e afërme e familjes së sulmuar nga ish-dhëndri i tyre është shprehur se ish-çifti kishin rreth 7 muaj të divorcuar. Po ashtu, ajo ka thënë se ata kanë një vajzë 4-muajshe.
Dan Hutra është proceduar penalisht më herët për vjedhje. Ai kishte vetëm dy javë që kishte dalë nga burgu i dënuar për dhunë në familje.
Në vitin 2007 ai ka vrarë gruan e tij, Dafina Havaljas, 22 vjeçe, nga Klosi. Ndërsa në vitin 2003 mori peng nënën e kunatës, dhe këtë të fundit e përdhunoi.
Lexo edhe:
Masakra në Paskuqan/ Dan Hutra vrau në 2007 edhe bashkëshorten e parë, përdhunoi kunatën
FOTOJA e ‘Benzit’ me të cilin u arratis autori
