Kreu i Partisë së Lirisë, Ilir Meta akuzoi kryeministrin Edi Rama për largimin e të rinjve nga vendi ynë.
Gjatë një postimi në rrjetet sociale, Meta shkruan se Rama bën gjithçka që shqiptarët të largohen nga vendi, ndërsa theksoi se shpopullimi është një plagë e madhe kombëtare.
Sipas Metës, qytetarët shqiptarë e kanë detyrim që me votë të largojnë Edi Ramën nga qeveria.
Reagimi nga Ilir Meta:
“Shpopullimi është një plagë e madhe që Shqipëria vuan sot si rezultat i një Kryeministri që po bën gjithçka që shqiptarët dhe veçanërisht të rinjtë të largohen. Ne duam dhe jemi të vendosur t’i japim fund dramës së shpopullimit.
Ky është një mision kombëtar dhe detyrim madhor që kemi ndaj brezave të së ardhmes. Ne nuk duam më një Shqipëri me qytete të zbrazura dhe gomone të mbushura, por një Shqipëri ku qytetet gumëzhijnë nga gjallëria dhe zhvillimi dhe ku të rinjtë e ndërtojnë të ardhmen në vendin e tyre”, shkruan Meta.
