Drejtuesit e klubit të Partizanit, si organizatorë të sfidës, kanë vendosur që derbi i kryeqytetit Partizani-Tirana, në kuadër të javës së 24-t të “Abissnet Superiores”, të luhet në stadiumin ‘Air Albania’.
Sfida midis dy skuadrave të kryeqytetit do të zhvillohet më 6 mars, në orën 19:00.
Drejtuesit e klubit të kuq të kryeqytetit, kanë hequr dorë nga zhvillimi i kësaj ndeshjeje të shumëpritur në shtëpinë e re të “Demave të Kuq”, siç edhe ishte përfolur prej disa ditësh.
Zhvillimi i sfidës në “Air Albania” do t’i japë kështu tifozëve kryeqytetas të dyja krahëvemë tepër mundësi për ta ndjekur skuadrën e zemrës, ndërsa me kuriozitet pritet koreografia e “Fanatiksave” dhe “Guerrilasve”.
