Cristiano Ronaldo po përshtatet mjaft mirë te Al-Nassr. Pas problemeve të fillimit, sulmuesi portugez ka gjetur veten te arabët, teksa ka shënuar rregullisht.
CR7 tashmë nuk duket vetëm një futbollist atje, por si duket po bën edhe rolin e skautit.
Mediat bëjnë me dije se u ka kërkuar drejtuesve afrimin e dy lojtarëve të Juventusit, madje ka shprehur gatishmërinë që të përpiqet t’i bindë vetë futbollistët.
Bëhet fjalë për Carlo Pinsoglio, aktualisht portieri i tretë dhe mbrojtësi kolumbian Juan Cuadrado.
Të dy lojtarëve u skadon kontrata në fund të sezonit me klubin e Juventusit.
