Vetëm tre ditë na ndajnë nga seanca parlamentare e 2 Marsit ku pritet që Edi Rama të dalë e të ballafaqohet me opozitën në Kuvend në një mocion me debat për aferën McGonigal.
Me kuriozitet pritet të dëgjohet se ç’ka për të thënë shefi i ekzekutivit për akuzat mbi koprruptimin e një ish-zyrtari të FBI dhe pagesën 225 mijë euro që Agron Neza dyshohet se ka bërë për llogari të tij në Nju Xhersi.
Por teksa përfshirja e Ramës në aferën McGonigal nuk mund të mohohet pasi emri i tij përmendet 14 herë në aktakuzën e drejtësisë erikane ndaj ish-shefit të kundërzbulimit për Nju Jorkun, lidhjet me zyrtarin nga SHBA duket se i ka ruajtur edhe një ish-ministër i qeverisë shqiptare.
Bëhet fjalë për ish-ministrin e Brendshëm Fatmir Xhafaj, i njohur ndryshe si njeriu i “drejtësisë së re” pasi reforma në drejtësi nisi të shqyrtohet, votohet e më pas zbatohet gjatë kohës që drejtonte Komisionin e ligjeve.
Emri i Xhafajt nuk del në dosjen amerikane të aferës McGonigal që është regjistruar në vitin 2017, por deputetin e PS e lidh me ish-zyrtarin e FBI një mesazh i shkëmbyer në e-mail-in zyrtar.
Në listën me dokumente të marra nga e-mail i deputetëve të Kuvendit që hakerat iraninë të Homeland Justice publikuan pasditen e sotme, nje folder i përket Fatmr Xhafajt.
Në këtë folder vëmendjen e rrëmben një e-mail që përmban një mesazh urimi, të cilin Fatmir Xhafaj e ka dërguar në adresë të Charles McGonigal më 27/10/2021.
E-mail është dërguar në adresën private të ish-shefit të kundëzbulimit të FBI-së, ku me fjalë të ngrohta ish-kreu i komisionit të Reformës në Drejtësi i uron atij festa të bukura të fundvitit.
E-mail nuk ka përmbajtje kompromentuese të rëndë, por tregon se Fatmir Xhafaj ka pasur njohje me ish-zyrtarin e FBI-së, të cilat duket se janë ruajtur deri në 2021.
Emri i ish-ministrit të Brendshëm bëhet kështu emri i radhës i një zyrtari të lartë të Partisë Socialiste që del të ketë pasur kontakt me McGonigal, pasi Damian Gjiknuri e pranoi se është takuar me ish-zyrtarin e FBI dhe një foto ku ai, dhe kryetari i Bashkisë së Tropojës, Rexh Byberi i kanë dorëzuar titullin ‘Mirënjohja e Tropojës’ u bë virale.
Edhe Taulant Balla e ka pranuar se është takuar me McGonigal në tentativën e tij për të justifikuar “miqësinë” e shefit Edi Rama me ish-zyrtarin e korruptuar të FBI, ndërsa kreu i opozitës Sali Berisha në daljet e tij publike ka përmendur edhe emra si Belinda Balluku dhe Erion Veliaj që kanë pasur kontakte me të.
