Një aksident tragjik ka ndodhur në Kroaci, ku një autobus me targa shqiptare është përmbysur duke shkaktuar 1 viktimë dhe 9 të plagosur.
Ngjarja ka ndodhur rreth orës 23:43 të mbrëmjes së kaluar, ku mjeti me drejtues një 58 vjeçar shqiptar, për arsye ende të panjohura ka devijuar majtas duke u përplasur me trafikndarësen e rrugës e më pas autobusi është përmbysur.
Në autobus ndodheshin 9 pasagjerë dhe shoferi shqiptar, ndërsa mediat e huaja kanë publikuar, emrat e të gjithë pasagjerëve dhe gjendjen e tyre shëndetësore së bashku me spitalet ku po kurohen.
Mësohet se 5 shtetas po trajtohen në spitalin e qytetit të Karlovacit, të cilët janë jashtë rrezikut për jetën, ndërsa 4 të tjerë po trajtohen në spitalin e Ogulinit, ku 1 prej tyre ndodhet në gjendje të rëndë.
Gjendja e pasagjerëve:
5 shtetas po trajtohen ne spitalin e qytetit te Karlovacit
Veli Muca (pasagjer)
Armand Shaba (pasagjer)
Herman Gjeci (pasagjer)
Gjovalin Kola (pasagjer)
Adem Rexha (shoferi i cili ishte ne timon)
Jashtë rrezikut për jetën.
4 shtetas po trajtohen ne spitalin e qytetit te Ogulinit
Roland Kola (pasagjer)
Naile Bajraktari (pasagjere – ne gjendje pak te rende)
Klodian Vata (pasagjer dhe njekohesisht pronari i autobusit)
Ka ndërruar jetë:
Gazmir Korbi (ndihmës shoferi)
Deri më tani nuk dihen rrethanat e aksidentit, ndërsa më herët një dëshmitar ka treguar se autobusi ishte duke udhëtuar me shpejtësi jashtë normave, teksa ka shtuar se shoferi e kishte parakaluar disa herë, pa marrë parasysh kushtet e vështira të motit.
Shpjetësia ‘skëterrë’ mbetet pista kryesore e hetimit, ndërsa ende nuk është konfirmuar asgjë nga autoritetet. Pritet të dalë ekspertiza, për të sqaruar shkaqet dhe rrethanat e aksidentit tragjik.
