Tjetër rezultat negativ për Dinamon, që komplikon disi pozitat e saj në krye të Kategorisë së Parë, duke ia lëshuar kryesimin Skënderbeut.
Blutë e kryeqytetit u mposhtën 0-1 në shtëpi nga Tomori, që rriti ambiciet për t’u ngjitur në Superiore.
Edhe pse luajtën për rreth 75 minuta në superioritet numerik (Solomon u ndëshkua me karton të kuq që në minutën e 16-të), kryeqytetasit dështuan të gjenin rrugën e rrjetës.
Madje në minutat shtesë pësuan golin, që i dha fitoren skuadrës beratase, me Dushkajn, që finalizoi saktësisht pas një kundërsulmi të shpejtë.
Tomori me këtë sukses ngjitet në kuotën e 24 pikëve, shtatë më pak se Dinamo e vendit të dytë. Sa i përket renditjes, Skënderbeu kryeson i vetëm me 33 pikë, ndërsa Flamurtari mban vendin e tretë me 29 pikë dhe në rast fitoreje, do të ngjitej në vendin e dytë, duke lënë pas Dinamon.
Renditja:
