Një skenë e rëndë u publikua sot në rrjetet sociale, ku shihej një burrë teksa tërhiqte zvarrë një qen me karrocë.
Në lidhje me këtë ka reaguar policia e Kuçovës, e cila shkruan se është identifikuar dhe proceduar penalisht shtetasi E.A., 63 vjeç, banues në Kuçovë për veprën penale “Keqtrajtim i kafshëve”.
“Në lidhje me një video të publikuar në rrjetet sociale, të filmuar në qytetin e Kuçovës, në të cilën shfaqet një shtetas i cili ka lidhur pas karrocës së tij, një kafshë shtëpiake (qen) dhe e tërheq, ju sqarojmë se:
Strukturat e Komisariatit të Policisë Kuçovë, bazuar në pamjet filmike, si dhe nga verifikimet e kryera, identifikuan shtetasin i cili drejtonte karrocën dhe tërhiqte kafshën shtëpiake (qen), pas saj.
Në përfundim të hetimeve specialistët për Hetimin e Krimeve në Komisariatin e Policisë Kuçovë, referuan materialet në Prokurorinë pranë Gjykatës së Rrethit Gjyqësor Berat dhe filluan procedimin penal për veprën penale “Keqtrajtim i kafshëve” në ngarkim të shtetasit E.A., 63 vjeç, banues në Kuçovë”, njofton policia.
View this post on Instagram
Raste të këqtrajtimit të kafshëve në vendin tonë janë bërë të shpeshta. Raste të tilla janë pasqyruar disa herë në media dhe fatkeqësisht sërish ndodhin.
