Pas plumbave që mbërritën në selinë e klubit të Sampdorias, drejtuesit e ekipit nga Xhenova janë kërcënuar sërish në një stil mafioz.
Një kokë derri e prerë është dorëzuar në selinë e klubit italian të shtunën me një shënim që paralajmëronte “kokat e ardhshme do të jenë tuajat”.
Sipas klubit të Serie A, pakoja ishte për ish-presidentin e klubit Massimo Ferrero dhe zëvendëspresidentit aktual Antonio Romei.
Sampdoria e quajti atë një “akt të rëndë frikësimi” dhe tha se policia ishte thirrur për incidentin. 
Muajin e kaluar një plumb u dërgua në zyrat e klubit me më shumë kërcënime.
Klubi xhenovez ndodhet në fund të tabelës me 11 pikë pas 23 ndeshjesh dhe tifozët kanë shprehur zemërimin e tyre ndaj pronarit të klubit Ferrero, i cili dha dorëheqjen si president pas arrestimit të tij për akuza financiare në vitin 2021.
Ndeshja e radhës e Sampdorias është në Romë përballë Lazios të hënën dhe me kuriozitet pritet nëse ekipi do të rikthehet apo jo te fitorja, ndonëse episode e fundit duket se do të ndikojnë në gjendjen e lojtarëve.
