Teuta mposhti 0-2 Tiranën në kryeqytet, në ndeshjen e vlefshme për javën e 23-të të Kategorisë Superiore.
Duket se ky rezultat nuk është pritur mirë nga tifozët bardheblu, teksa policia ka bërë me dije se lojtari i 12-të i kryeqytetasve kanë dëmtuar autobusin e tifozëve të Teutës.
Në foton më poshtë, shihen dëmtime në pjesën e xhamit të përparmë të autobusit të shkaktuara nga hedhjet e sendeve të forta në drejtim të tij.
Njoftimi i policisë:
Tiranë/Informacion paraprak
“Më datë 25.03.2023, rreth orës 19:30, te sheshi “Nënë Tereza”, tifozët e ekipit të Tiranës dyshohet se kanë dëmtuar autobusin e tifozëve të Teutës, pas përfundimit të ndeshjes së zhvilluar mes dy ekipeve. Grupi hetimor po punon për sqarimin e rrethanave të ngjarjes” – Njofton policia.
