Kryetari i Partisë së Lirisë, Ilir Meta është shprehur se SPAK është vonuar me procedurat për të hetuar aferën e inceneratorëve dhe të vendosjes para drejtësisë të gjithë personat e implikuar.
Në emisionin “Çim Peka Live”, Meta tha se me paratë e përfituara nga afera, Edi Rama ka vjedhur zgjedhjet e fundit parlamentare.
“Spaku ka bërë procedurat e veta por nuk i ka bërë në kohën e duhur sepse duhej bërë para 25 prillit. Ato dokumenta janë publikuar nga unë të një televizion kombëtar dhe janë depozituar në mars nga LSI dhe askush nuk u prek në atë kohë sepse partia donte që me lekët e inceneratorëve të blinte votat për zgjedhjet. Ata kishin si qëllim kryesor votat e LSI në atë kohë, veprimi i SPAK është tepër i vonuar. Ndërkohë që Rama shton skandalet e tjera këta ka një ngadalësim të madh ndaj fakteve sepse kjo i intereson Ramës për të thënë që shiko se diçka po ndodh dhe merruni me këta që ai i ka zhytur në paligjshmëri dhe merrte me vjedhjet e reja”, tha Meta.
“Te vjedhja e inceneratorëve kemi të bëjmë me një grup të strukturuar kriminal sepse janë 17 vendime të qeverisë që janë marrë në presionin të Edi Ramës, ndërsa drejtori i prokurimeve publike e ka lënë më shkrim atë kohë që këto janë të kundërligjshme, sepse ministra aty e kanë cilësuar këto janë afera të paligjshme kjo edhe e vërtetuar nga Shkëlqim Cani që dorëzojë postin nga presioni dhe nuk dëshironte të përlyej në këtë aferë“, u shpreh Meta.
