Deputetja e Partisë Demokratike, Flutura Açka kritikoi Lindita Nikollën se seanca nuk nis asnjëherë në orar.
Më pas, Açka ka ironizuar kryeminstrin Rama duke përmendur fjalët e tij kur cilësoi Parlamentin si një kopsht zoologjik.
“Së pari seanca nuk nis asnjëherë në kohë, vendi i parë që e shoh të ndodhë kjo.
Meqenëse jemi në kopsht zoologjik siç na e ka përcaktuar kryetari juaj, kontrolloni kafazin tuaj njëherë dhe niseni seancën në kohë.
Pse kryeministri nuk paraqitet në kohë, sa herë e kërkon kushtetuta? Kushtetuta është me ngjyrë të kuqe, është detyrim, nuk është për të trembur demin.
Mbase për ju kryeministri është Zeus, Prometeu, për ne është kryeministri i shqiptarëve.
Meqenëse ka thënë se jemi kopësht zoologjik dhe do vijë kur të dojë ai, zgjidheni vetë kush është pilivesa, kush është mushqerra dhe kush është qelbësi në këtë Kuvend. Për vete e di që vij erë njeriu dhe do flasim si njerëz këtu. Sa për kryeministrin, i bie që të jetë hiena. Siç thotë Jonathan Franzen, edhe hiena ka integritet, por hienë është prapë.”- tha ajo.
Më tej Açka tha se ligjet e miratuara nga dhjetori janë nul pasi në procesin e votimit nuk kanë marrë pjesë 27 deputetë të përjashtuar.
“Ju keni përjashtuar 27 deputetë nga 22 dhjetori. i keni hequr ligjeve 27 vota. Nuk e keni këtë mandat Parlamenti. Mund ti hiqni nga seanca, por në votim t’i ftoni në sallë dhe të vijnë të votojnë. Të gjitha ligjet nga 22 dhjetori janë nul. i bëj thirrje Presidentit t’i kthejë këto ligje.”- tha Açka.
