Një 17-vjeçar me origjinë nga Shqipëria është arrestuar për përfshirje në sulmin e ndodhur të hënën e kaluar ndaj tre adoleshentëve, pas përfundimit të një ndeshje futbolli për kampionatin shkollor, në komunën Pylaia Hortiatis.
Ai akuzohet se së bashku me disa persona të tjerë, i ka sulmuar me sende druri, si shkopinj tre adoleshentët.
Si pasojë një prej 15 vjeçarëve është goditur në kokë, i cili është dërguar në spital ndërsa dy personave të tjerë iu dha ndihma e pare.
Një ngjarje e njejtë ka ndodhur të premten, në të njëjtin stadium dhe për të njëjtën ngjarje, kur një 16-vjeçar vendas ka kërcënuar me thikë një mësues dhe e ka goditur.
