Kreu i Partisë së Lirisë, Ilir Meta ka shpërthyer në të qeshura kur është pyetur nga një prej gazetarëve jashtë ambienteve të SPAK nëse “ka frikë nga arrestimi”.
“Mos moree…”, ishte reagimi i kreut të PL që shtoi se “Ilir Meta u thirr në SPAK me urdhër partie”.
Pasi tre orëve dëshmi në Prokurorinë e Posaçme, Meta u përgjigj duke thënë se emrin e tij prokuroria e lidh me çështjen CEZ-DIA sa herë që për të shkruajnë portalet e këshilltarit për mediat të kryeministrit Rama, Endri Fuga.
“Unë nuk pengoj askënd që të marr urdhra nga partia. Unë jam ai që ka qenë. Me portalet. Sa herë të kem një ftesë zyrtarë do të vij. Por po presim për gjëra më të rëndësishme. Tani se duan të pyesin për portale të Fugës, kjo është çështje e tyre. Unë kujtova se ishte një nga dhjetëra çështjet që unë kam denoncuar SPAK. Do të vija patjetër për çdo gjë, për çdo çështje”, nënvizoi Meta.
Ngrini dyshime se SPAK ka ndikim politik?
Ju e dini se kush i ka dhënë udhëzimet që të thirret Ilir Meta tek SPAK, janë dhënë nga Kongresi i partisë. Ilir MEta ëhstë i hapur dhe transparent dhe mezi presim për ato firmat fët e fët, të ketë akte dhe veprime konkrete edhe për gjithë ato çështje aq të rënda që e kanë bërë Shqipërinë që të jetë më i korruptuari në Europë. Gjithçka që është kjo çështje nuk ka lidhje me Ilir Metën, nuk është bërë në kohën që Meta ka qenë ministër. Ne e kemi bërë detyrën tonë në mënyrë të shkëlqyer.
Keni frikë për ndonjë firmë që mund të sjellë arrestimin tuaj?
Mos more! Unë kujtova se hetimi lidhej me denoncimet e miapër korrupsionin që është evident. Ta dinit do të vinit? Po patjetër, do të vija për çdo gjë. Unë mendoj që është zbardhur dhe është një proces fare absurd.
A keni besim te SPAK?
Faleminderit. Gjithçka është një mashtrim ordiner dhe më vjen keq që harxhohet kohë me gjëra të tilla, ndërkohë që këtu janë mal çështjet. Unë nuk ndaloj askënd që të bëjë pyetje dhe i ftoj që t’i publikojnë të gjitha pyetjet dhe përgjigjet.
