Kryetari i Partisë së Lirisë, Ilir Meta është paraqitur pranë Prokurorisë së Posaçme (SPAK). Ende nuk dihen arsyet por Meta ka hyrë brenda SPAK që prej orës 10:00.
Meta na la të kuptohej që do të fliste sapo të dalë nga SPAK dhe do të japë shpjegime aq sa i lejohet në bazë të ligjit.
“Do jem këtu me ju për çdo gjë”-tha Meta për gazetarët në hyrje të godinës së Prokurorisë. Bëhet me dije Ilir Meta shoqërohej nga Bledar Dervishaj, këshilltari ligjor që prej kohës kur ishte në Presidencë.
Meta ka bërë disa denoncime në lidhje me çështjen e inceneratorëve por nuk dihet arsyeja konkrete pse i është kërkuar paraqitja para prokurorëve.
Mediat nga terreni raportojnë se në momentin kur Meta u fut në SPAK nuk mbante në duar një dosje apo dokument që mund të ngrinin dyshime se ka shkuar në SPAK për të kryer kallëzim.
