Turqia u godit sërish nga dy tërmete të fuqishme me magnitudë 6.4 dhe 5.8.
Mediat turke raportojnë se 11 persona kanë humbur jetën ndërsa mbi 800 të tjerë janë plagosur.
Sipas informacioneve të marra nga AFAD, në orën 20:04 ka ndodhur një tërmet me magnitudë 6.4 ballë, epiqendra e të cilit ka qenë Hatay Defne. Thellësia e tërmetit është përcaktuar në 16.74 kilometra. Ndërkohë që tërmeti është ndjerë i fortë, qytetarët i ka zënë paniku.
Pas tërmetit 6.4 ballë, një tjetër tërmet me magnitudë 5.8 ka ndodhur këtë herë në rrethin Samandag të Hatay në orën 20:07. Thellësia e tërmetit 5.8 u përcaktua 7 kilometra. Ekipet po hetojnë nëse ka persona që janë nën rrënoja pas tërmetit të rëndë.
Tërmeti është ndjerë edhe në Siri, Egjipt dhe Liban.
Ka frikë dhe panik te qytetarët dhe vijojnë të ketë pasgoditje të vogla.
Kryetari i Bashkisë së Hatajit, Lütfü Savaş, tha për mediat lokale se; ‘ka raportime për ndërtesa të shkatërruara dhe ka njerëz nën rrënoja’.
Presidenti i AFAD-it, Yunus Sezer, në një konferencë për shtyp deklaroi se pasgoditjet kanë vazhduar që nga 6 shkurti: ‘Deri më tani kanë qenë 6414 pasgoditje. Dua t’ju kujtoj edhe një herë se qytetarët ndalohet të hyjnë në ndërtesa të rrezikshme’.
Ky tërmet vjen dy javë pas dy tërmeteve mbi 7 shkallë të Rihterit që kanë lënë të vdekur mbi 44 mijë njerëz në Turqi dhe Siri.
🚨 Terrifying visuals: the moment as the recent earthquake hit Turkey’s Hatay.
Tsunami warning issued for the coastal regions of Syria and Turkey after Turkey-Syria earthquake tonight pic.twitter.com/Hinw1n2rG2
— Megh Updates 🚨™ (@MeghUpdates) February 20, 2023
