Ditën e sotme, pas dështimit të dy raundeve, Gjykata Kushtetuese pritet të zhvillojë raundin e tretë për të zgjedhur kreun e saj. Fiona Papajorgji, Marjana Semini dhe Holta Zaçaj janë tre gjyqtarët në garë për të drejtuar Gjykatën Kushtetuese.
Asnjëra prej kandidateve në dy raundet e para nuk mori shumicën ligjore prej të paktën 5 votash. Raundi i dytë u zhvillua më 17 shkurt.
“Mbledhja e Gjyqtarëve të Gjykatës Kushtetuese ka vendosur të zhvillojë raundin e tretë të votimit në datën 20 shkurt 2023, ora 10:00”, thuhet në njoftimin.
Në raundin e parë rezultati i votimit :
Gjyqtarja Fiona Papajorgji – 3 vota
Gjyqtarja Marjana Semini – 2 vota
Gjyqtarja Holta Zaçaj – 4 vota.
Në raundin e dytë rezultati i votimit:
Gjyqtarja Fiona Papajorgji – 3 vota
Gjyqtarja Marjana Semini – 3 vota
Gjyqtarja Holta Zaçaj – 3 vota.
Anëtarët e Gjykatës Kushtetuese janë: Marsida Xhaferllari, Fiona Papajorgji, Elsa Toska, Sonila Bejtja, Sandër Beci, Ilir Toska, Gent Ibrahimi, Marjana Semini, Holta Zaçaj.
