Xhovani Kolela duket më në fund i çliruar, pasi skuadra e bind me rezultatin, por edhe me lojën e krijuar. Italiani foli për “Panorama Sport” pas fitores me shifrat 3-0 ndaj Erzenit dhe thuri elozhe për djemtë e tij. Nga ana tjetër, ai lë të kuptohet se nuk është dakord me të kuqin ndaj Maget në minutën e parë.
“Herën tjetër do të luajmë me dhjetë veta që të përsërisim këtë që bëmë ndaj Erzenit. Përpara se të na heqin një lojtar për 30 sekonda, më mirë po e nis me dhjetë veta.
Telushi si mbrojtës? Përse jo. Nuk e kam pozicionuar aty Telushin për shkak se ndodheshim në emergjencë, por sepse besoj se ai mund të bëjë mirë në atë rol.
Ne tani nuk na intereson më se për çfarë na shërbejnë tri pikët. Ne na intereson të marrim fitoren në çdo ndeshje dhe të vazhdojmë përpara javë pas jave”, u shpreh Kolela.
