Detaje të reja kanë dalë në dritë lidhur me atentatin e mbetur në tentativë në Elbasan, ku një “BMW X6” me armë dhe municione brenda u gjet e parkuar pranë banesës së Erion Alibejt.
Dyshimet janë se mjeti ishte bërë gati nga grupi i tij për të goditur kundërshtarët, pasi në pranga ka rënë Arben Spahiu (kunati i Erion Alibejt) dhe miku i tij Arsen Preçi.
Dy emrat që lënë të kuptohet se objektivi i atentatit të mundshëm ka qenë një rival i tyre dhe dyshimet janë të forta se kërkohej “koka” e Elton Kilës (i njohur si Oti i Elbasanit), i cili i ka shpëtuar 4 atentateve të mëparshme.
Sakaq, sipas News24 targat e vendosura në automjetin tip “BMW X6” rezultojnë të jenë të vjedhura.
Po ashtu mësohet se automjeti që do të përdorej nga atentatorët ishte vjedhur në qytetin e Shkodrës.
