Nga Boldnews.al
Manjati i shëndetësisë Klodian Allajbeu përveçse ka në duar “bisturinë e operacionit tendera” të fituara pa garë ose me fondin maksimal të shpallur, zotëron edhe një kompleks me pishina, restorante, bare dhe pistë hipizmi. I ndodhur në periferi të Tiranës, “Equos Resort” zotërohet nga Allajbeu prej disa vitesh duke kryer edhe investime të shumta dhe shtrirë hapësirën në një terren prej dhjetëra hektarë.
Një vit më pare, nuk mjaftohet vetëm me shfrytëzimin e Lumit Erzen, por shtrin një rrjet ujësjellësi disa kilometra, duke e marrë në vendburimin e fshatit Hekal. Ndërsa banorët kërkonin që ta shfrytëzonin për ujë të pijshëm burimin e ndodhur në fshatin e tyre, oligarku i shëndetësisë nëpërmjet Bashkisë Tiranë merr të drejtën e shfrytëzimit. Uji shkoi nga çezmat e banorëve në haurin modern të kuajve të Allajbeut, për të cilët shfaq një kujdes të veçantë. Edhe pse qindra banorët reaguan, uji shkoi për të shuar etjen e kuajve.
Janë dhjetëra punëtorë të cilët kujdesen për kuajt e tij pasi bën pjesë në shoqatën e Hipizmit, duke marrë pjesë në kampionate të ndryshme që rezaliohen në dy komplekse që ndodhen po në periferi të kryeqytetin, njërin prej të cilëve e zotëron Allajbeu.
Gjithashtu edhe rruga që lidh fshatin Qeha me tre fshatrat e tjerë, Mangull, Barbas dhe Kryezi është fundosur në disa vende nga maikneritë e tonazhit të lartë që punojnë në resortin modern të “beut të fshatit”. Asnjë masë për shkatërrimin e rrugëve që vende vende ka ende pirgje betoni të derdhura nga betonieret.
Shtrirja e pronës së Allajbeut është rritur disafish që në momentin që bleu resortin i cili më parë quhej “Panto”. Në pjesën lindore të kompleksit ka përfituar dhjetëra hektarë pyje për të cilën thuhet se u ka dhënë banorëve të zonës që e kishin në përdorim si “pronë të vjetër” shuma të vogla dhe më pas i ka bërë dokumentacionet si “tokë arë”, me ndihmën e pushtetit lokal dhe Kadastrës.
Ndërsa në lindje ka rrethuar pyjet duke marrë thuajse gjysmën e luginës nga fshati Qeha deri në kufi me fshatin tjetër Barbas, nuk mjaftohet me kaq duke hedhur sytë në përëndim. Një pjesë të tokës që ishte në pronësi shtet e kthen në parkim për automjetet dhe më pas shtrirja e frikshme shkoi deri në Lumin Erzen, madje duke e marrë atë për shfrytëzim me kosto minimale me ndihmën e pushtetit lokal dhe qëndror.
Në zonë njihet si “beu i vërtetë” i cili po shfrytëzon pyjet, luginën e Lumit Erzen, madje edhe burimin e ujit të pijshëm duke “tharë” një fshat të tërë që për ironi e ka emrin Hekalë, por po shuan etjen e kuajve të Allajbeut.
