Presidenti francez Emmanuel Macron është shprehur së fundmi se nuk do të donte që Rusia të përfundonte e “shtypur” nga disfata në Ukrainë.
Ndërsa fliste për mediat franceze, Macron u kërkoi vendeve perëndimore të rrisin mbështetjen ushtarake për Kievin teksa shtoi se është i përgatitur për një luftë të zgjatur.
“Unë dua që Rusia të mposhtet në Ukrainë dhe dua që Ukraina të jetë në gjendje të mbrojë pozicionin e saj,” tha ai.
Por presidenti francez, sulmoi ata që ai tha se donin ta shtrinin luftën në Rusi në tentativa për ta shtypur si komb.
Komentet, Macron i bëri pasi liderët botërorë u mblodhën në Konferencën e Sigurisë në Mynih në të cilën u bënë premtime për të përshpejtuar furnizimin me armë në Kiev dhe për të vendosur sanksione më të ashpra ndaj Moskës.
