Rezultatet befasuese në javën e 24-t të kampionatti anglez të futbollit. Manchester City nuk ka shkuar më larg se një barazim 1-1 në fushën e Nottingham Forest dhe tani është dy pikë larg Arsenal-it kryesues me një ndeshje më shumë.
Pjesa e parë është mbyllur 1-0 në avantazh të skuadrës së Pep Guardiola-s. Ka qenë një gol i mrekullueshëm i Bernardo Silva-s në minutën e 41-të që i ka dhuruar avantazhin miqve.
GOLI I BERNANRDO SILVA-S – VIDEO
Një gol që ka bërë të shpërthejë Haaland me shokë dhe është festuar edhe nga trajneri spanjoll dhe stafi i tij që e kanë admiruar magjinë e portugezit nga stoli.
Manchester City mund të kishte dyfishuar shifrat në minutën e 67-të, por Haaland ka humbur në mënyrë të pabesueshme dy raste të pastra para portës kundërshtare.
Në fillim, i gjendur vetëm përballë portierit të Nottingham, sulmuesi norvegjez ka goditur traversën, por topi është kthyer në këmbët e tij dhe këtë herë ylli i City-t ka dërguar topin jashtë në mënyrë të pashpjegueshme.
Në minutën e 84-t ka ardhur befasia për Qytetarët. Nottingham Forest, në fakt, ka arritur të gjejë golin e barazimit me Wood, duke i dhënë një goditje të madhe shpresave të City-t për titullin.
Rezultati tjetër befasuese ka ardhur në Stamford Bridge, aty ku Chelsea është mundur 1-0 nga Southampton. Një rezultat që i mban Blutë në vendin e 10-të shumë larg zonës Champions. Sfida është vendosur në pjesë e parë nga një goditje dënimi spektakolare e Ward-Prose.
