Drejtori i DPSHTRR, Blendi Gonxhe vendosi të dyfishonte çimin e marrjes së lejes së drejtimit të mjeteve nga 45 në 85 mijë lekë të reja në një mbledhje me shoqatën e Autoshkollave.
Vendimi i tij po përballet me një lum kritikash e reagimesh ku ekspertë të ekonomisë e cilësojnë si një marrëveshje të stilit të karteleve, ku shteti bëhet palë me privatin për të rënduar xhepat e qytetarëve.
Impkati negativ në opinionin publik duket se e ka detyruar Gonxhen që të mos i ndahet studiove televizive dhe në një formë apo tjetrën të përpiqet të mohojë atë që tha me zë dhe figurë për dyfshimin e çmimit të patentës.
Dhe justifikimi i drejtorit të DPSHTRR është se marrëveshja mes tij dhe Autoshkollave nuk do të thotë se qytetarët do të paguajnë më shumë, por do të paguajnë për programin që meritojnë t’u ofrohet.
Teksa më parë u përpoq ta mbronte vendimin e marrë duke thënë se gjithçka po bëhet për të shmangur sekserët dhe pranoi dështimin e DPSHTRR-së për të mos u korruptuar, Blendi Gonxhe sot në EuronewsAlbania tha se nëse qytetarët kanë paguar më pak më parë, kjo do të thotë se në kursin e autoshkollës nuk e kanë kryer programin e plotë.
“Kjo nuk do të thotë që do të paguhen më shumë, kjo do të thotë që do të paguajnë tamam. Do paguajnë atë që duhet të paguajnë, që të bëjnë programin. Kjo do të thotë që nëse kanë paguar më pak më përpara, kanë paguar se nuk e kanë bërë programin, kanë bërë një kurs gjysmak”, tha Gonxhe.
Dhe më tej, ai shtoi: “Janë të gjitha institucionet në këtë betejë, ky është një problem që është ngritur nga DPT, në raport me Shoqatën e Autoshkollave, sepse ka vite, nga viti 2019 që unë jam në këtë detyrë, që luftojmë që të normalizojmë sektorin”.
