Java e 22-të në Abissnet Superiore, nisi me përballjen Laçi-Bylis, që u fitua 0-1 nga skuadra ballshiote. Pjesa e parë u mbyll në barazim, ndërkohë që Flamur Ruçi realizoi golin vendimtar të sfidës në minutën e 54’.
21-vjeçari mori një asist nga Kaçorri, doli i vetëm përballë portieri Selmani dhe dërgoi topin në rrjetë. Ndeshja nuk prodhoi më gola. Në fund festoi Bylisi, që mori pikët maksimale në Kurbin njësoj si në fazën e parë.
Skuadra ballshiote rigjen fitoren pas dy humbjeve radhazi dhe tani numëron 26 pikë. Tri më pak se bardhezinjtë e Mezanit, të cilët regjistruan disfatën e dytë radhazi në shtëpi pas asaj ndaj Egnatias.
