Për Monika Kryemadhin ka një arsye të fortë që lidhet me aferën McGonigal, që e frikëson Edi Ramën dhe e mban larg nga salla e seancave plenare ku duhet të japë llogari siç ia kërkon opozita dhe detyra.
Sipas sasj, Rama nuk pranon të ngihet një Komision hetimor në lidhje me skandalin “McGonigal” pasi nuk mund të gënjejë nën hetim dhe për arsye se deri më tani është zbardhur vetëm 30% e fakteve në dosjen amerikane.
“Mjafton të shohësh se çfarë ka ndodhur me opozitën dhe Parlamentin. Kemi një kryeministër që është përmendur 14 herë në aktakuzë dhe s’e kuptoj kur thotë se është narrativë. Janë kaq shumë problematika që Rama ka krijuar dhe nuk pranon Komisionin Hetimor. Normal që nuk do e pranonte atë se dhe atë komision që bëri për inceneratorët e ka vendosur përballë përgjegjësisë ligjore. Komisioni Hetimor e vendos Ramën me shpatulla pas murit, i cili nuk mund të dëshmojë se nuk ka dijeni për raportimin nga mediat amerikanë, pasi me dijeninë time kanë zbardhur vetëm 30% të çështjes”, tha deputetja e PL.
Kryemadhi gjithashtu tha se nëse kreu i qeverisë do ta bënte diçka të tillë, do të ishte njësoj sikur të mos tregonte të vërtetën para gjykatës.
“Komisioni Hetimor vendos Ramën përballë faktit të deklarimit dhe nuk mund të gënjejë nën betim, pasi nëse gënjen është njësoj sikur gënjen para gjykatës dhe dënohesh për ‘dëshmi të rreme’. Janë shumë gjëra që shkojnë përtej narrativës, sepse në momentin që Rama ndihet i sigurt është krye bullizuesi më madh. Në këtë rast gjërat janë ndryshe pasi nuk ka të bëjë me drejtësinë shqiptare që është e kapur por me drejtësinë amerikane”, nënvizoi ajo.
